15.05.2023 tarixində Azərbaycan Dövlət Pedaqoji Universitetinin Riyaziyyat fakültəsində Tələbə Elmi Cəmiyyəti tərəfindən Ümummilli Lider Heydər Əliyevin anadan olmasının 100-cü ildönümünə həsr olunmuş “Gənc riyaziyyatçılar” elmi konfransı keçirilmişdir. Konfransı giriş sözü ilə Riyaziyyat fakültəsinin dekanı dos. A.S.Fərəcov açmışdır. Sonra ADPU-nun Elm və innovasiyalar üzrə prorektoru prof. A.D.Zamanov, ADPU-nun TEC-nin sədri prof. Ə.Z.Zalov məruzə ilə çıxış etmişdir. Çıxışlardan sonra konfrans iştirakçılarına “Heydər Əliyev və Azərbaycan təhsili” mövzusunda təqdimat nümayiş etdirilmişdir. Sonra konfrans üç bölmə üzrə işini davam etdirmişdir. “Riyazi analiz və cəbr” bölməsi üzrə 26 məruzə, “İnformatikanın tədrisi texnologiyası” bölməsi üzrə 13 məruzə, “Riyaziyyat və onun tədrisi texnologiyası” bölməsi üzrə 16 məruzə dinlənilmişdir. Yekunda hər bölmə üzrə ən yaxşı tələbə elmi işləri müəyyənləşdirilmiş və setifikatlar verilmişdir.