“Cəbr və həndəsə” Kafedra 1936-ci ildə “ Ali cəbr, analitik həndəsə və astronomiya” adı ilə fəaliyyətə başlamışdır. Onun ilk müdiri Bəhram Yusifzadə olmuşdur.1969-cu ildə Ali cəbr və analitik həndəsə kafedrasının bazası əsasında iki müstəqil kafedra yaradılmışdır: “Cəbr və ədədlər nəzəriyyəsi” və “Həndəsə”. ”Cəbr və ədədlər nəzəriyyəsi” kafedrasına AMEA-nın müxbir üzvi, əməkdar elm xadimi, prof. Mais Cavadov, “Həndəsə” kafedrasına isə B.Yusifzadə müdir seçilmişdir. 1974-1985 ci illərdə “Həndəsə” kafedrasına Q.Qasımov başçılıq etmişdir.

1992-ci ildə ”Cəbr və ədədlər nəzəriyyəsi” kafedrasına dos.L.Ş.Əbdülkərimli rəhbərlik etməyə başladı. “Cəbr və ədədlər nəzəriyyəsi” kafedrasında M. Cavadov , Y. Baxşəliyev, T. Zamanov, İ.Əliyev, F.Abdullayev, F. Əfəndiyev ,Ş. Abdullayev, H. Əkbərova, L. Əbdülkərimli ,R. Eyyubov , A. Soltanov, A.Mütəlibov ,H. Həşimov ,V. Rüstəmov, S.Haxıyev , “Həndəsə” kafedrasında Q. Qasımov , G. Xudaverdiyeva, P.Göyüşov, R.Abbasov, M. Nəcəfov ,Ü. İsmayılova, B.Quliyeva, N. Acalova, X.Paşayev, A.Şələmənov, B.Əsgərov, H.Hüseynov, kimi bacarıqlı müəllimlər fəaliyyət göstərmiş və çoxları indi də fəaliyyət göstərirlər.

1998-ci ildə ”Cəbr və ədədlər nəzəriyyəsi” və “Həndəsə”kafedraları yenidən birləşərək “Cəbr və həndəsə” kafedrası adlandırılmışdır. Həmin ildən kafedraya pedaqoji elmlər doktoru Y.R.Baxşəliyev rəhbərlik etmişdir. 2012-ci ildən kafedrayan dos.Z.Q.Sadıxov rəhbərlik etmişdir. Dos. Sadıxov Z.Q.-dan sonra 12.11.2019-cu ildə kafedraya dos.Şahbazov A.İ. rəhbərlik etmişdi. Hal-hazırda kafedranı müdir əvəzi dekan dos. Fərəcov A.S. rəhbərlik edir.

Kafedranın fəaliyyəti dövründə ondan çox namizədlik, bir doktorluq dissertasiyası müdafiə olunmuş, yüzlərlə elmi məqalələr həm ölkə daxilində,həm də xaricdə çap olunmuşdur. Bundan başqa çox saylı monoqrafiyalar, dərs vəsaitləri, dərsliklər çap olunmuşdur.

Hazırda kafedrada 10 müəllim–dosentlər: Araz Fərəcov (kafedra müdiri əvəzi), Zahirəli Sadıxov, Hökümə Əkpərova, Naidə Acalova, Vaqif Cabbarzadə, Heydər Hüseynov, baş müəllimlər: Sadəddin Haxıyev, Veysov Hafiz, müəllimlər: Pənahova Zümrüd, Şəbnəm Süleymanova, Yuliya Abbasova çalışır.