5 mart 2025-ci il tarixində Azərbaycan Dövlət Pedaqoji Universitetinin Riyaziyyat fakültəsi Tələbə Elmi Cəmiyyətinin təşkilatçılığı ilə 8 Mart – Beynəlxalq Qadınlar Gününə həsr olunmuş "Rəqəmsal dünyanın memarı – Grace Hopper" adlı elmi tədbir keçirilib.

Tədbirin açılış nitqini Riyaziyyat fakültəsinin dekanı, dos. A. Q. Cəfərov edərək, Beynəlxalq Qadınlar Günü münasibətilə fakültənin qadın professor-müəllim heyətini və tələbələrini təbrik etmiş, onlara can sağlığı və gələcək pedaqoji fəaliyyətlərində uğurlar arzulamışdır. O, Azərbaycan qadın müəllimlərinin ölkəmizdəki böyük quruculuq işlərindəki əzmkarlığını vurğulayaraq, onların bundan sonra da bu yolda uğurla irəliləmələrini arzulamışdır.

Daha sonra Tələbə Elmi Cəmiyyətinin sədri, dos. M. Musayeva qarşıdan gələn bayramlar münasibətilə təbriklərini çatdıraraq, dünya şöhrətli kompüter alimi Grace Hopperin həyat və fəaliyyətinə dair qısa məlumat vermiş və tədbirin əsas təqdimatçısı, Riyaziyyat fakültəsinin RİN2201B qrup tələbəsi Mələk Zamanovanı hazırladığı təqdimatı təqdim etmək üçün səhnəyə dəvət etmişdir.

Mələk Zamanova Grace Hopperin informasiya texnologiyaları sahəsindəki mühüm nailiyyətlərindən, proqramlaşdırma dillərinin inkişafına verdiyi töhfələrdən və rəqəmsal dünyanın formalaşmasında oynadığı roldan bəhs etmişdir.

Təqdimatın sonunda II kurs magistrantı Fidan Cəbrayılova və İNF2402B qrup tələbəsi Həsən Əhmədov öz təəssüratlarını bölüşmüş, tələbələr mövzu ilə bağlı suallar ünvanlamışdır.

Daha sonra Riyaziyyat fakültəsinin Cəbr və Həndəsə kafedrasının müdiri, dos. S. S. Haxıyev çıxış edərək, tədbir iştirakçılarını və xüsusilə tələbələri elmi tədqiqat fəaliyyətlərində uğurlar qazanmağa təşviq etmişdir.

Sonda Kompüter elmləri kafedrasının müəllimi, Xuraman Əliyeva Mələk Zamanovanın təqdimatını yüksək qiymətləndirərək, onu təbrik etmiş və tədbir iştirakçıları ilə birlikdə xatirə şəkli çəkilmişdir.