20.12.2024 tarixində ADPU Riyaziyyat fakültəsi TEC-nin təşkilatçılığı ilə "Bizim İxtisasçılar" adlı intellektual yarış keçirilmişdir. Giriş nitqi ilə tədbirin açılışını edən TEC-in sədri dos. M.Musayeva tələbələrə uğurlar arzulamışdır. Yarışın gedişi fakültəmizin professor müəllim heyəti tərəfindən izlənmişdir. 3 mərhələ üzrə davam edən yarışda RİN2102B qrup tələbəsi Rəşidə Qafarova hər bir mərhələnin qaydalarını açıqlamış və mərhələlər üzrə sualları təqdim etmişdir. Yarışda fakültəmizin 2-ci kurs tələbələri iştirak etmiş və yekunda "Dekart" komandası qalib gəlmişdir. Qalib komandanın üzvlərinə: RZM 2304B qrup tələbəsi Ağayeva Aynura, RİN2301B qrup tələbəsi Kərimova Sevinə və RİN2301B qrup tələbəsi Abbaszadə Nüşabəyə fakültəmizin müəllimləri: dos. S. Haxıyev, dos. S. İsayeva və dos. S. Mazanova tərəfindən ixtisas yönümlü kitablar hədiyyə olunmuşdur. Daha sonra fakültəmizin RİN2002B qrup tələbəsi Xəlilli Yusif və RİN2004B qrup tələbəsi Əlimirzəyev Radik münsiflər heyətinin üzvü olduğu üçün "Təşəkkürnamə" ilə mükafatlandırılmışdır. Yekunda xatirə şəkilləri çəkilmişdir.