Fibonacci Beynəlxalq Robot Olimpiadası - Azərbaycan Milli Çempionatı

  Hər ilin noyabr ayında Romada keçirilən Fibonaççi Beynəlxalq Robot Olimpiadası dünyanın ən nüfuzlu robototexnika yarışlarından biridir. 2018-ci ildən bəri dünyanın hər yerindən robototexnika həvəskarlarını, mühəndisləri, tələbələri, sənaye liderlərini və ailələri bir araya gətirir. Tədbir təkcə müsabiqə deyil, həm də ekspozisiya və təhsil platformasıdır və aparıcı mütəxəssislərlə əlaqə yaratmaq, qabaqcıl texnologiyaların tədqiqi və yeni əməkdaşlıqların inkişafı üçün imkanlar təklif edir.

  Fibonacci Beynəlxalq Robot Olimpiadası - Azərbaycan Milli Çempionatı, texnologiya və innovasiya həvəskarlarını bir araya gətirərək möhtəşəm bir açılış mərasimi etdi. 1000-dən çox yarışmaçı və 2000-dən artıq ziyarətçi bu mühüm tədbirdə iştirak etdi.

 21 fərqli kateqoriya üzrə keçirilən yarışlar, gənc mühəndislərə və innovatorlara öz bacarıqlarını nümayiş etdirmək üçün geniş imkanlar yaratdı. Bu il olimpiadada Azərbaycanın 36 fərqli təhsil müəssisəsindən yüzlərlə şagird və tələbə iştirak etdi. Olimpiadanın beynəlxalq miqyasda əhəmiyyətini artıran məqam isə Qazaxıstan və Türkiyədən olan komandaların da yarışa qatılmasıdır. 9 kateqoriya üzrə Azərbaycan Dövlət Pedaqoji Universitetini təmsil etdik və qalib olduq (7 kateqoriya üzrə 1-ci yer, 2 kateqoriya üzrə 2-ci yer).

Mentor: Xumarə Qəhrəmanlı - Azərbaycan Dövlət Pedaqoji Universitetinin Riyaziyyat fakültəsi, Kompüter elmləri kafedrasının və STEAM mərkəzinin müəllimi

Komanda üzvləri:

1) Türkanə Qəhrəmanlı – ADPU-nun Riyaziyyat fakültəsi, Riyaziyyat ixtisası üzrə məzunu

2)  Aysel Qarayeva - ADPU-nun Riyaziyyat fakültəsi, İnformatika ixtisası üzrə IV kurs tələbəsi

3) Səkinə Vəliyeva - ADPU-nun Riyaziyyat fakültəsi, İnformatika ixtisası üzrə IV kurs tələbəsi

4) Ayşən Məsimova -  ADPU-nun Riyaziyyat fakültəsi, İnformatika ixtisası üzrə IV kurs tələbəsi

5) Ayla Ağayeva - ADPU-nun Riyaziyyat fakültəsi, İnformatika ixtisası üzrə IV kurs tələbəsi

6) Tamara Manafı -  ADPU-nun Riyaziyyat fakültəsi İnformatika ixtisası üzrə məzunu

7) Fidan Həsənli - -ADPU-nun Riyaziyyat fakültəsi, İnformatika ixtisası üzrə IV kurs tələbəsi

8) Nərmin Həsənova -  ADPU-nun Fizika fakültəsi, Fizika ixtisası üzrə IV kurs tələbəsi

9) Elvin Əzizli -  ADPU-nun Fizika fakültəsi, Fizika ixtisası üzrə II kurs tələbəsi

10) Zəhra Alıyeva - ADPU-nun Riyaziyyat fakültəsi, İnformatika ixtisası üzrə IV kurs tələbəsi

11) Zeynəb Muradlı - ADPU-nun Riyaziyyat fakültəsi, İnformatika ixtisası üzrə IV kurs tələbəsi

   Hər  komanda aprel ayında Türkiyənin Antalya şəhərində keçiriləcək “Fibonacci Beynəlxalq Robot Olimpiadası”nda iştirak haqqı qazanıb. Qeyd edək ki, Türkiyənin Antalya şəhərində keçiriləcək  Fibonacci Beynəlxalq Robot Olimpiadasında 13 ölkə iştirak edəcək.